Ji i pranishëm në moment
16. tetor e mërkurë
‘Kjo është dita që Zoti ka bërë; le të gëzohemi dhe të ngazëllojmë në të’ Psalmi 118:24
Një autor shkruan: ‘Një nga strategjitë që unë përdor është bllokimi i kohës mjaftueshëm në mënyrë që unë të mos mendoj për atë që kam për të bërë më pas. Më duket më mirë që të pres deri sa të investoj më shumë se disa minuta në të qenit me dikë në mënyrë që personi mos të jetë i irrituar me ndarjen e vëmendjes sime dhe orarin e ngjeshur’. Nëse ti vazhdon së vjedhuri kohën e të afërmve të tu, do të vijë një ditë kur ata nuk do të kenë më kohë për ty. Pyete veten: ‘A është ky person më i rëndësishëm për mua sesa plani, plojekti, problemi apo presioni me të cilin unë po merrem?’. Mëso të shijosh më shumë momentin dhe përqëndrohu në personin me të cilin je. Bëj pyetje mendjehapura të cilat i inkurajojnë ata për t’u përgjigjur me më shumë sesa një ‘po’ ose ‘jo’. Dëgjo me kujdes dhe bëj pyetje shtesë. Kjo i ndihmon njerëzit të ndjejnë që po angazhohesh ndaj tyre dhe se të interesojnë përgjigjet e tyre.
Po, mendimet e tua mund të fluturojnë në të ardhmen për disa sekonda, por menjëherë shtyji ato në të tashmen duke i refuzuar ato shqetësime. Ti mund të merresh me ato më vonë. Përqëndrohu, përqëndrohu, përqëndrohu! Ka një kënaqësi të madhe në të bërit këtë pasi mësohesh me këtë. Poeti shkroi: ‘Unë dëshirova të jetoj duke pasur qëllim … dhe jo të zbuloja kur të vdisja se nuk kisha jetuar fare’. Për t’u siguruar që kjo nuk do të të ndodhë, vër re fjalët e Salomonit: ‘Dhe që çdo njeri që ha, pi dhe gëzon mirëqënie në gjithë mundin e tij, kjo është një dhuratë e Perëndisë’ (Predikuesi 3:13). Nëse do të të duhet të kesh të bësh me më pak në mënyrë që të shijosh njerëzit që do më shumë, bëje; nuk do të pendohesh kurrë për këtë!
Mirënjohje
16 Tetor: Pegues, Deborah Smith, 30 Ditë Për ta Zbutur Stresin Tënd (Eugene, OR: Harvest House, 2007), 50-51.
