Ti do e mposhtësh Jerikon tënd (1)
17. korrik e premte
“Zoti i tha Jozueut: ‘Shiko, unë të kam dhënë në dorë Jerikon, mbretin e tij dhe luftëtarët e tij trima’” Jozueu 6:2
Ja çfarë duhet të dish për muret e Jerikos: Ishin të jashtëzakonshëm. Rrethonin qytetin si një armëmbajtëse, dyzet këmbë mbi tokë. Ishin të pathyeshëm. Ja çfarë duhet të dish për Jozueun: Ai nuk i rrëzoi muret—Perëndia e bëri. Dhe Perëndia do ta bëjë këtë edhe për ty. Jeriko yt është frika, zemërimi, hidhërimi ose paragjykimi yt. Është gjithashtu pasiguria jote për të ardhmen; faji yt për të kaluarën; dhe negativiteti, ankthi dhe prirja jote për të kritikuar, analizuar tepër ose për të ndarë mendimet në pjesë. Jeriko yt është çdo rrethanë, qëndrim ose mënyrë e të menduarit që të pengon të gjesh gëzim, paqe ose pushim. Jeriko të bllokon rrugën, prandaj muret e tij duhet të bien!
“Për të vajtur të pushtoni vendin që Zoti, Perëndia juaj, ju jep si trashëgimi” (Jozueu 1:11). Folja e përkthyer si “pushto” do të thotë: “të pushtosh duke larguar banorët e mëparshëm dhe të zotërosh vendin e tyre”. Por Satani nuk do të largohet pa luftuar. Ai do të rezistojë. Ai do të kundërshtojë. Por nuk do të fitojë. Pse? Sepse Perëndia ka deklaruar tashmë që ti je fitimtar. “Zoti i tha Jozueut: ‘Unë të kam dhënë në dorë Jerikon’”. Perëndia nuk tha: “Jozue, merr qytetin”. Ai tha: “Jozue, prano qytetin që unë kam marrë”. E njëjta gjë mund të thuhet për ty dhe sfidën tënde. Ti thua: “Nëse Perëndia e ka bërë këtë për mua, çfarë duhet të bëj unë?”. (1) Prano fitoren tënde me besim, ashtu si pranoje shpëtimin tënd. (2) Shpalle fitoren. Sigurohu që fjalët e tua përputhen me fjalët e Perëndisë. (3) Ec me fitore, ditë për ditë.
